Thashethemet që ata janë më shumë se shokë prej muajsh kanë pushtuar mediat rozë por duket se Drake vazhdon t’i hedhë benzinë zjarrit, duke surprizuar ish të dashurën e tij me një xhest tepër romantik. Rihanna ka publikuar një fotografi në llogarinë e saj të Instagramit, ku shihet një tabelë sipër të cilës shkruhet: “Urime Rihanna, nga Drake dhe i gjithë stafi i OVO”. 28-vjeçarja, e cila më parë ka qënë në një lidhje me Drake, ka shkruar bashkangjitur fotos: “Kur ai bëhet i veçantë”, shkrim të cilin e ka shoqëruar me ikonën e zemrës dhe të një trofeu. Këngëtari i hitit “Hotline Bling”, i cili ka themeluar shtëpinë diskografike “OVO”, ka uruar Rihanna-n për performancën e saj në “MTV Video Music Awards”. Këngëtarja pritet të vlerësohet me çmimin më të rëndësishëm të ceremonisë “Michael Jackson Video Vanguard Award”, ditën e dielë, ku edhe do të performojë.
