Reperi kanadez Drake ka tërhequr vëmendjen e rrjeteve sociale me një seri fotosh të reja, mes të cilave spikat një imazh ku disa burra janë ulur rreth një tavoline pokeri, të veshur me xhaketa të kuqe që mbajnë shqiponjën dykrenare.
Atmosfera e errët, ndriçimi i zbehtë dhe estetika që të kujton një skenë “filmi gangsterësh” e kanë rritur edhe më shumë interesin rreth postimit.
Ndryshe nga fotot e tjera, kjo ka marrë vëmendje të veçantë për shkak të përdorimit të simbolikës shqiptare. Edhe pse nuk dihet nëse bëhet fjalë për një referencë kulturore, artistike apo thjesht një zgjedhje stilistike, ky detaj ka hapur diskutime të shumta mes fansave.
Drake e ka shoqëruar të gjithë serinë me mbishkrimin enigmatik “Mbetet akoma personale…”, frazë që përputhet me tonin e tij të zakonshëm misterioz. Kjo ka nxitur spekulime se reperi mund të jetë duke përgatitur terrenin për një projekt të ri muzikor.
