Drake, reperi i famshëm kanadez, është rikthyer në qendër të vëmendjes – këtë herë jo për muzikë, por për humbjet e tij të mëdha në botën e basteve sportive.
Në një postim të fundit në Instagram, artisti ndau me ndjekësit një pamje të ekranit nga llogaria e tij e basteve, ku tregohej qartë se ishte në minus në të gjitha periudhat kohore të fundit. Ai pranoi publikisht se në vetëm një muaj ka humbur mbi 8 milionë dollarë.
“Humbjet janë shumë të vështira tani”, shkroi ai. “Shpresoj të shënoj një fitore të madhe për të gjithë së shpejti, sepse jam i vetmi që nuk kam parë kurrë një max… Këta djem max-in e luajnë një herë në javë.”
Pavarësisht kësaj disfate, duket se Drake nuk është dorëzuar. Vetëm pak ditë pas postimit të tij, ai vendosi një bast të ri prej 800 mijë dollarësh për ekipin Oklahoma City Thunder në finalet e NBA-së të vitit 2025, duke synuar një rikthim të fuqishëm kundër Indiana Pacers.
Ndërkohë që vazhdon të rrezikojë jo vetëm paratë, por edhe krenarinë e tij, mediat ndërkombëtare raportojnë se ai është duke punuar në një projekt të ri muzikor – një LP solo që fansat e kanë quajtur paraprakisht Iceman.
Me sa duket, Drake është gati të përballet me çdo rezultat – si në skenën muzikore, ashtu edhe në fushën e basteve.
