Drama që rrethon familjen Beckham duket se nuk ka fund. Rebecca Loos, ish-asistentja personale e David Beckham, ka rikthyer vëmendjen mbi konfliktet e brendshme të klanit të famshëm, këtë herë përmes dokumentarit të Channel 4, “The Beckham Feud: Truth and Lies”, që pritet të transmetohet këtë të diel.
Në një fragment të publikuar nga Daily Mail, Loos ndalet te episodi i përfolur që përfshin Brooklyn Beckham dhe kërcimin me nënën e tij, duke e cilësuar situatën si të trajtuar pa ndjeshmëri.
“Nuk ka rëndësi nëse u kërkua nga ajo apo Marc Anthony, në të dyja rastet tregon mungesë ndjeshmërie ndaj ndjenjave të të tjerëve.”
Sipas saj, çdo nënë tjetër do ta kishte kuptuar menjëherë sikletin që një moment i tillë mund të krijonte, duke lënë të kuptohet se situata duhej menaxhuar ndryshe.
“Mendoj se çdo nënë tjetër do ta kishte kuptuar sikletin e gjithë kësaj situate,”
Loos shkon edhe më tej në analizën e saj, duke sugjeruar se edhe në rast se kërkesa për kërcimin nuk ka ardhur drejtpërdrejt nga Victoria, ajo kishte ende mundësinë ta refuzonte për hir të harmonisë familjare.
“Ose, nëse mamaja (Victoria) kishte pirë pak si shumë verë dhe nuk ishte në gjendje ta kuptonte situatën, ndoshta djali ose bashkëshorti mund të kishin ndërhyrë duke ftuar Nicola-n në kërcim dhe ta lejonin atë të kishte momentin e saj.”
Për Rebecca Loos, tensioni aktual mes Brooklyn-it dhe pjesës tjetër të familjes i ngjan shumë përvojës së saj personale nga e kaluara, kur ajo pretendoi se kishte pasur një lidhje me David Beckham gjatë kohës që punonte për të — akuza që u mohuan kategorikisht nga ai.
Ajo shprehet se e kupton dhe e mbështet Brooklyn-in, veçanërisht kur ai flet për mbiemrin Beckham si një “markë”, duke nënkuptuar marrëdhënie të ndërtuara më shumë mbi imazhin publik sesa mbi sinqeritetin familjar.
Kjo nuk është hera e parë që Loos përfshihet publikisht në dramën Beckham. Vetëm pak ditë më parë, ajo reagoi pozitivisht pas rrëfimeve të Brooklyn-it, duke përsëritur bindjen e saj se, herët a vonë, e vërteta del gjithmonë në dritë. Kujtojmë se për vite me radhë ajo është përfolur si gruaja me të cilën David tradhtojë Viktorian, dhe pse ai vetë nuk e ka pranuar kurrë këtë publikisht.
