Duket se rrjetet sociale sapo kanë marrë një “valë” të re thumbash, dhe këtë herë në qendër është Xheneta! Pas komenteve që e akuzonin se kishte kopjuar një pozë të famshme – me dorën e ngritur në ballë – ajo ka reaguar publikisht përmes një Instastory që po bën xhiron e rrjetit.
“Duket se edhe pozat qenkan pronë tashmë,” shkruan ajo me ironi. “6+ muaj që bëj foto kështu, por hajt se është ‘coincidence’.”
Por këtu nuk ndalet. Në vijim, Xheneta ka hedhur edhe disa kunja të dukshme ndaj atyre që, sipas saj, po përpiqen të krijojnë drama të kota:
“S’blej komente, s’krijoj fake account-e dhe s’merrem me askënd. Mos më përfshini në dramën tuaj, unë s’kam nevojë për llogari fake për të ekzistuar. Puci puci.”
Edhe pse ajo nuk përmend emra, ndjekësit janë të bindur se mesazhi i saj është një përgjigje e drejtpërdrejtë ndaj Eglit – me të cilën fansat mendojnë se ekziston një “rivalitet” i heshtur. Disa prej tyre madje kanë komentuar nê faqen e Eglit me komente të tipit: “Hajde Queen, se kanë nisur të të kopjojnë!” apo “Kadal Egli, se çdo stili i yti po bëhet muze për atë që të ka frymëzim!”
Në çdo rast, një gjë është e sigurt: Xheneta di shumë mirë si të flasë pa përmendur emra – dhe rrjetet s’e kanë lënë pa e vënë re!
