Edhe tek çiftet më të famshme, rrjetet sociale mund të trazojnë ujërat. Raportime të reja thonë se Princi Harry s’është aspak i qetë me mënyrën se si Meghan Markle po i kthen Instagram-in në skenë familjare — dhe jo vetëm kaq.
Burime për Page Six tregojnë se Dukesha e Sussex ka nisur të ndajë momente të ëmbla familjare, por duket se kjo s’ka sjellë veç gëzim në shtëpinë e tyre. Javët e fundit, Meghan publikoi video të Harry-t dhe fëmijëve, Lilibet dhe Archie, të zhytur në atmosferën e vjeshtës: fusha kungujsh, labirinte, gdhendje kungujsh — momente që shumë familje do t’i adhuronin për feed-in e tyre.
Gjithsesi, një detaj tërheq vëmendjen: Harry duket se nuk po e shijon aspak këtë ritëm publikimesh. Sipas burimit, “Ai është shumë i vetëdijshëm që ajo po e shfaq kudo dhe nuk është aspak i lumtur me këtë ekspozim,” duke shtuar se, “Harry-t nuk i pëlqejnë shfaqjet publike në rrjete sociale.”
Një tjetër postim i Meghan ku ata u panë duke ndjekur një ndeshje të Dodgers vetëm sa shtoi zhurmën rreth tyre. Fansat në stadium? Jo shumë të dashamirës. Reagimi? Fishkëllima.
Por çështja nuk mbyllet me kaq. Meghan, e cila u rikthye në Instagram para lansimit të markës së saj të re, duket se po e lidh fort brand-in me rrënjët e saj mbretërore. Produkti i fundit i saj? Një referencë e drejtpërdrejtë për datën e dasmës mbretërore. Pa harruar një çantë me mbishkrimin “Dukesha e Sussex”, të shfaqur në një video nga Uashingtoni disa javë më parë.
Burimi pretendon se Harry i sheh këto lëvizje me sy kritik, madje i ka krahasuar me stilin “Fergie-esque” — një përmendje jo shumë e ëmbël për Sarah Ferguson, e cila është njohur për kapitalizimin e statusit të saj mbretëror.
Sipas të njëjtit burim, “shkëlqimi ka filluar të zbehet” mes çiftit. Dhe pse kjo është diçka normale për lidhjet afatgjata, tek Sussex duket se presioni publik vepron dyfish. “Harry ka ndryshuar tërësisht jetën për të,” thotë burimi. “Por është mësuar të jetë i dashur nga të gjithë.”
Sot? Jo aq. Dhe publiku në stadium është një tregues i qartë.
Megjithatë, publiku online është i ndarë: disa e shohin Meghan si versionin e saj më autentik, të tjerë mendojnë se ajo po transformohet në një “influencuese mbretërore”.
Për momentin? Interneti po sheh, po komenton, dhe Sussex-ët… po përpiqen të menaxhojnë jetën mes “likesh” dhe protokolli të braktisur.
