Kim Kardashian dhe Kanye West po përjetojnë një situatë aspak të këndshme. Së fundmi ajo ka bërë kërkesën për t’u ndarë. 41-vjeçarja dorëzoi dokumentet ligjore të premten (10 dhjetor), të cilat do ta bëjnë atë ligjërisht një grua beqare nëse nënshkruhet nga një gjykatës, raporton TMZ.
Kim dëshiron që emri i saj i vajzërisë të rikthehet, që do të thotë të heqësh dorë nga West, pavarësisht nga bizneset e saj si KKW Beauty dhe aroma KKW ku përdori inicialet e saj si grua e martuar. Kjo vjen disa orë pasi Kanye iu lut Kimit ‘kthehu përsëri tek unë’ gjatë një koncerti ku mori pjesë edhe ish-partnerja e tij, shkruan DailyMail. Ajo ishte në turmë kur Ye interpretoi një varg nga hiti i tij “Runaway” duke ia dedikuar asaj me kërkesën për t’u rikthyer me të.
Lëvizja ligjore në thelb kërkon që gjyqtari të ndajë çështjet e kujdestarisë së fëmijëve, pronës dhe implikimeve financiare nga statusi aktual martesor.
Më shumë se çdo gjë, kjo i mundëson kujtdo që është në procesin e divorcit të vazhdojë jetën e tij duke qenë beqar dhe të zgjidhë çështje të tjera në një kohë të ndryshme.
Ende nuk është raportuar nëse Kanye e dinte për dosjen ligjore përpara se të bëhej koncerti. Vetëm pak javë më parë, Ye bëri një lutje të ngjashme publike, duke deklaruar se Zoti do ta ribashkojë atë dhe me ish-gruan Kim, pasi ai pranoi se kishte bërë gabime në martesën e tij./revistawho.com
