Episodi i radhës në ‘Who Likes Tirana’ ka bërë bashkë Fjodora Fjorën, Olsi Bylykun, Inger Skura, Lorenc Hasramaj dhe Isida Mollaymerin në një tjetër aventurë drejt Pezës. Nisja e udhëtimit është bërë nga kompania e njohur, Mektrin Motors, aty ku dhe janë zgjedhur automjetet më të cilët personazhet e njohur do të udhëtojnë se bashku me Eraldo Rexhon, ‘V60 Cross Country’ dhe ‘Land Rover Defender’.
Grupi ka nisur udhëtimin në mesditë drejt një prej fshateve më piktoreske siç është Peza, plot gjelbërim dhe histori, i cili ndodhet 12 km larg kryeqytetit. Sapo kanë mbërritur në vend, grupi ka vizituar liqenin e Fjollës, i cili ka marrë emrin e luginës poshtë kalasë së Dorëzit.
Falë makinave të tipit ‘Volvo’ Fjodora, Ingeri, Lorenci, Olsi dhe Eraldo e kanë shijuar maksimalisht këtë eksperiencë, pasi udhëtimi ka qenë mjaft komod.
Më pas ata kanë vizituar muzeun e Pezës, në të cilin pasqyrohet e gjithë trashëgimia kulturore e vendit. Duke i lënë radhën kalërimit, Olsi, Ingeri dhe Isida kanë provuar edhe këtë sport jo pak të thjeshtë, të shpjeguar nga instruktori në mesin e fushës.
Muzika nuk ka munguar si në çdo episod të ‘Who Likes Tirana’, për të cilën kësaj here është kujdesur Lorenci, i shoqëruar nga i gjithë grupi, duke mbyllur këtë seri për t’i lënë radhën edhe një tjetër udhëtimi ku të tjerë personazhe të njohur do të vizitojnë një tjetër destinacion ‘must’ të kryeqytetit që ka ditur t’i “fitojë” zemrën të gjithëve, Tiranës dhe do të jetë i fundit i kësaj eksperience disa-javore mjaft interesante./revistawho.com
