I ftuari special i puntatës së sotme të “Pushime on Top” ishte komentatori i njohur, Dritan Shakohoxha, i cili zbuloi disa detaje më tepër në lidhje me largimin e bujshëm të Ilda Bejlerit nga “DigitAlb”. Shakohoxha u shpreh se vendimi për të ndërperë marrëdhëniet profesionale nuk u prit mirë nga Ilda. “Mbase nuk e përjetoi mirë lajmin që i dhashë, por unë jam trajner përveçse brigadier dhe në periudhën e verës, rikompozojmë skuadrën. Në gjithë këto vite kanë hyrë dhe kanë dalë nga kjo skuadër shumë personazhe dhe kanë vazhduar karrierën e tyre diku tjetër. Unë vetë e kam marrë në fillim në televizion bashkë me çunat e stafit dhe po ne vendosëm që mund të shihte opsion në një kanal tjetër. E përjetoi me shumë emocion largimin nga ‘DigitAlb’, por ne kemi qenë ato që i kemi dhënë mundësinë dhe ajo e ka shfrytëzuar shumë mirë dhe ka punuar si profesioniste, por jemi prapë ne që do e ndërrojmë”, është shprehur Shakohoxha. Mirëpo kjo deklaratë nuk i ka pëlqyer aspak Bejlerit, e cila ka reaguar menjëherë nëpërmjet një fotoje në ‘Instastory’ ku shkruan: “Nga puna të heqin dhe të marrin pronarët, jo komentatorët e ndeshjeve”. Nuk e dimë nëse do ketë një reagim nga Shakohoxha pas kësaj, megjithatë mbetet për t’u parë. Së shpejti gazetaren sportive do t’a shohim në ekranin e “Top Channel”, megjithatë momentalisht duket se ajo ka vendosur të shijojë pushimet e sezonit veror në ishujt e Greqisë./revistawho.com
