Dritan Shakohoxha është një nga komentatorët sportivë më të njohur në vend. Nuk besojmë se ka dashamirës të sportit që nuk di të paktën një nga ato frazat e famshme që përdor Shakohoxha gjatë komentit të një ndeshje. Pavarësisht se është kaq i njohur dhe i dashur për publikun, Shakohoxha është munduar ta mbajë sa më private të gjithë jetën e tij pas kamerave. Në dalje shumë të rralla mund ta kemi parë së bashku me bashkëshorten apo me fëmijët e tij.
Megjithatë ditën e sotme ai i ka “thyer disi rregullat” duke publikuar një fotografi të dy djemve të tij, që tani mund të themi se i janë bërë shokë. Devi dhe Frenkli tashmë janë të rritur dhe ata janë krenaria e babit. Përveç kësaj mund të themi se të dy djemtë kanë marrë shumë nga fizionomia e trupit dhe disa tipare të fytyrës nga Shakohoxha.
Kujtojmë se në një intervistë të pak kohëve më parë “Në kurthin e Piter Pan’, komentatori sportiv ka treguar se fëmijët i kanë ndryshuar totalisht jetën. Ai është bërë baba në një moshë shumë të re, vetëm 23 vjeç, por ka ditur se si t’ja dalë mbanë jetës dhe të rrisë fëmijë të shëndetshëm. /revistawho.com
