I ftuar në emisionin “Podkastro” me Kastro Zizon në Vizion Plus, Pirro Çako ka ndarë një rrëfim shumë të ndjerë nga jeta e tij personale, duke folur hapur për humbjen e së ëmës, Luiza Çako, e cila u nda nga jeta në shtator të këtij viti.
“I kisha blerë një pemë jete, e mbante gjithmonë afër te koka dhe kishte 5 vjet. Ka pasur gjithmonë probleme shëndetësore dhe unë përpiqesha në spital, e gjëra, dhe i kisha blerë pemën dhe sikur po i ecte. Sikur e ruante Zoti, ajo pema e jetës.”
“Për herë të parë, pas 5 vjetësh, më thotë ‘O bir, kjo pema, se po e shikoj, sikur i janë fikur dritat. Kanë ngelur shumë pak ndezur.’ Dhe unë ngela për një moment, se e kapa mesazhin, çfarë donte të më thonte ajo dhe pata një drithërimë. Dhe u afrova dhe kishte të drejtë, kishin mbetur vetëm 20% të dritave, ishin djegur nga pak.”
“Pas një jave ndodhi, iku shumë shpejt dhe automatikisht kur isha në piano m’u kujtua kjo. Thashë tani që ajo s’është më, s’ka kush të m’i ndezë dritat e bredhit. Ia mbanim njëri-tjetrit ndezur dhe ato u fikën një herë e përgjithmonë, sigurisht për mua dhe për të.”
