Drone, por me bomba: ISIS planifikon sulm në qytetin ku do të luajë Kombëtarja Shqiptare

Britanikja ‘The Sun’ ka publikuar lajmin e rëndë se ISIS po planifikon sulme terroriste në Marsejë, qytetin ku kombëtarja shqiptare luan me 15 qershor. Në një laptop të përdorur nga Salah Abdeslam, kreu i sulmit terrorist në Paris, policia ka gjetur të dhëna që flasin për një sulm terroris kundër tifozëve britanikë në ndeshjen Angli-Rusi, që do të zhvillohet me 11 qershor. Por shqetësime ka shprehur dhe delegacioni shqiptar, pasi Shqipëria luan 4 ditë më vonë me Francën , në po të njëjtin vend. Kamikazë, kallashnikovë dhe drone që lëshojnë bomba janë mjetet që është planifikuar të bëhet sulmi, për të vrarë sa më shumë njerëz. Më parë ISIS ka kërcënuar Britaninë e Madhe se do ketë sulme më të rënda se ato në Paris. Policitë e dy vendeve po bashkëpunojnë duke marrë masa të sigurisë së lartë për të parandaluar sulmet. /Revista Anabel