Elvana Gjata dhe Dua Lipa janë takuar. Këtë e ka bërë të ditur vetë Elvana përmes një postimi në Instastory, ku falenderon yllin me famë botërore për festivalin Sunny Hill dhe shprehet krenare për arritjet e saj.
“Kalova një kohë kaq të shkëlqyer me ty, Dua Lipa dhe familjen tuaj të mrekullueshme. Një artiste e vërtetë, një shpirt i bukur brenda dhe jashtë, ndërsa vazhdon të jesh kaq modeste! Të gjithë jemi krenarë për karrierën tënde dhe për gjithçka që ke bërë për festivalin, për Kosovën dhe shqiptarët në mbarë botën. Shumë dashuri”, shkruan Elvana.
Ndërkohë Dua e ka ripostuar foton dhe e ka shoqëruar me disa zemra duke treguar kështu simpatinë që ka për Elvanën.
