Dua Lipa ka gjetur sërish dashurinë. Të premten e kaluar ajo bëri publike lidhjen me Romain Gavras gjatë tapetit të kuq të Festivalit të Filmit në Kanë. Këngëtarja mbërriti e shoqëruar nga regjisori francez i filmit, 41-vjeçari Romain Gavras dhe i qëndroi pranë gjatë gjithë kohës. Por pasi Dua bëri publike lidhjen e re, ish-partneri i saj Anwar Hadid postoi disa mesazhe shqetësuese në rrjetet e tij sociale. Ai nuk specifikoi se kujt i drejtohej postimi, por ka postuar një selfie ku shihet me një pamje të zymtë me një mesazh shqetësues. “Po përpiqem të mos e gjej dhe ta vras”, shkruante Hadid.
Së fundmi ai ka reaguar duke fajësuar internetin që mendoi se mesazhi i tij i fshehtë ishte për të dashurin e ri të Dua Lipës. Modeli shkroi në Instagram Story se ndjekësit e tij janë të mërzitshëm që shpikin teori të tilla.
“Çmenduri sesi Interneti do të krijojë artikuj të tërë për gjëra që ata nuk dinë!! Jeni shumë të mërzitshëm. Më falni.”-shkroi ai.
