Këngëtarja e re me origjinë nga Kosova, e cila karrierën po e zhvillon në Britani, Dua Lipa, ka realizuar një intervistë për BBC, pasi u rendit në listën e këngëtarëve premtues botërorë për vitin e ardhshëm “BBC Music Sound of 2016”.
Ajo ka treguar rreth shijeve të saj muzikore dhe se si kishte “rënë në dashuri” me këngën “Be the One”.
“‘Be The One’ është kënga e vetme në albumin tim që nuk është e shkruar nga unë. Zakonisht jam shumë kokëfortë… Gjithmonë e kam pasur këtë gjë kur shkruaj, dua të shkruaj për gjithçka dhe më pëlqen të kem gjithçka nën kontroll. Por kur më erdhi kjo këngë, nuk mund ta refuzoja, është më e pëlqyera”, -është shprehur Dua.
