Dita e sotme është speciale për Dua Lipën dhe familjen e saj, sepse vajza e vogël e shtëpisë, Rina, feston ditëlindjen. Në këtë datë të shënuar nuk mund të mungonte një urim i mbushur me dashuri dhe kujtime të bukura nga ana e Duas. Këngëtarja me origjinë shqiptare ka publikuar disa nga fotot më të veçanta me motrën e saj, duke nisur që nga fëmijëria e deri në ditët e sotme. Në urimin e saj Dua tregon se pavarësisht se motra që nga sot merr statusin e të rriturit, ajo vazhdon ta shikojë ende si një bebe.
https://www.instagram.com/p/Bxb6RcQFIQa/
“Rina Pina! 18 vjeçe, por gjithmonë vogëlushja ime. Gëzuar ditëlindjen engjëlli im, shoqja ime e ngushtë. Shumë krenare për vajzën që je bërë. Të të shihja ty tek rriteshe ka qenë një nga gjërat e mia të preferuara në botë…të dua në pafundësi. Do të shtrydh 18 herë, kështu do ta besosh se është e vërtetë! Shpresoj që ky të jetë viti më i mirë dhe të bëhet sa më mirë me kalimin e viteve. Botë shikojeni…fotoja e fundit tregon se si ndjehem unë tani që je e lejuar të pish”, ka shkruar Dua në ‘Instagram’. Këngëtarja shqiptare dhe motra e saj kanë një lidhje shumë të ngushtë dhe pothuajse në çdo vend i kemi parë përkrah njëra-tjetrës. Kujtojmë se Dua Lipa ka dhe një vëlla dhe bashkë me familjen e saj jeton në Londër. /revistawho.com
