Dua Lipa po shkëlqen në dashuri pranë Callum Turner dhe një detaj i vogël por me shumë shkëlqim ka bërë që fansat të dyshojnë për një fejesë të mundshme.
Të hënën, më 9 qershor, këngëtarja 29-vjeçare ndau në Instagram disa foto të ëmbla me aktorin britanik, ku ajo shfaqej me një unazë diamanti në gishtin e fejesës. Në disa prej fotove, ajo dhe Turner, i cili është përfolur prej muajsh si i fejuari i saj, shfaqen të përqafuar e të buzëqeshur.
“That’s amoreeee… ♡”, shkroi Lipa në mbishkrimin e postimit.
Në foton e parë, autorja e hitit “Levitating” ishte ulur në tokë, ndërsa Turner e përqafonte nga pas dhe e puthte në ballë. Edhe pse imazhi ishte pak i turbullt, unaza e diamantit dhe disa të tjera në dorën e saj dukeshin qartë.
Në një tjetër foto, çifti kishte pozuar shumë afër, ndërsa Dua mbante dorën pranë fytyrës, duke zbuluar një unazë me diamant mbi një rreth floriri të vendosur në gishtin e fejesës. Ajo kishte kombinuar bizhuteritë me një byzylyk të madh prej floriri.
Në një tjetër imazh romantik, ata ishin kthyer me shpinë drejt kamerës dhe përqafoheshin, ndërsa Lipa sërish tregonte unazën që ndriçonte në dorën e saj.
Historia e dashurisë së tyre
Dua dhe Callum u lidhën për herë të parë në fillim të vitit 2024, pasi u panë duke vallëzuar ngadalë në një festë për serialin e Turner, Masters of the Air. Ata e bënë lidhjen publike në Instagram në korrik 2024.
Thashethemet për fejesë nisën më herët në janar 2025, kur Lipa postoi një foto të Vitit të Ri ku puthte Turner-in, ndërsa mbante unazën me diamant në dorën e majtë.
Megjithatë, deri tani, çifti nuk ka konfirmuar zyrtarisht ndonjë fejesë.
