Ajo është një nga artistet më premtuese dhe po merr famë shumë shpejt në rang ndërkombëtar. Bëhet fjalë për Dua Lipën, e cila me thjeshtësinë e saj nuk harron asnjëherë të falenderojë fansat e saj, që e ndjekin dhe e duan shumë. Së fundmi, këngëtarja ka shpërndarë me ata suksesin e saj të radhës, i cili ka qenë arritja e 100 mijë ndjekësve në rrjetin social Tëitter.
“100 mijë fansa, faleminderit të dashurit e mi për mbështetjen e vazhdueshme që më jepni çdo ditë. Unë kam diçka speciale për ju fundjavën e ardhshme”, ka shkruar këngëtarja, duke paralajmëruar kështu një befasi të re.
