Këngëtarja shqiptare me famë botërore, Dua Lipa, ka zgjedhur bregdetin shqiptar për të festuar Pashkët këtë vit, në shoqërinë e partnerit të saj, aktorit Callum Turner.
Në një atmosferë të qetë dhe relaksuese, këngëtarja ndau me ndjekësit disa pamje nga pushimet në jug të Shqipërisë. Në një nga fotot ajo ka shkruar:
“Pashkë në shtëpi!”, duke i bashkangjitur imazhe të saj dhe të Turner në plazh, nën diellin pranveror.
Postimet e saj në rrjete sociale u shoqëruan me mbishkrimin:
“O sa mir me qen’ shqiptar” një frazë që menjëherë u bë virale mes fansave.
Lidhja e saj me Callum Turner u bë publike në fillim të vitit, dhe që atëherë dyshja është parë shpesh në momente të afërta dhe të ndjera. Në ditëlindjen e aktorit, Dua i bëri një dedikim të veçantë, duke e quajtur:
“Personin tim të preferuar në botë.”
