Këngëtarja e njohur me origjinë shqiptare, Dua Lipa po fillon një “epokë të re”, me këngën e saj të re “Don’t Start Now”. Ajo është shprehur se për të kjo nënkupton fillimin e një kapitulli të ri në jetën e saj, e se ka lënë pas krahëve çdo gjë që ka ndodhur në të shkuarën. “Zgjodha të botoj këtë këngë të parën, që të mbyll një kapitull të jetës dhe të nis një tjetër”, tregoi ajo. Sipas këngëtares shqiptare është një tingull i ri muzikor dhe një këngë që të bën të ecësh përpara duke mos lejuar njeri të të pengojë. Edhe kënga “New Rules” ishte pak a shumë me të njëjtin ritëm si kënga e re dhe me të njëjtën tematikë. “Don’t Start Now” ka marrë miliona klikime në Youtube dhe është shpallur “Kënga e Ditës” në Shazam, që do të thotë se kënga është kërkuar shumë nga personat që ende nuk e kanë dëgjuar e donin ta identifikonin.
