Duket se suksesi ndërkombëtar është synimi i vetem i saj. Dua Lipa e cila gjatë kohëve të fundit është përfolur vetëm për rritje në karrierë, duket se ka shënuar golin e radhës.
Përmes një postimi të bërë në llogarinë e saj të “Facebook”, Dua ka treguar se kënga e saj “Be The One”, tashmë është klasifikuar në dhjetshen e këngëve më të pëlqyera në Gjermani, duke zënë vendin e nëntë.
Këngëtarja ka falenderur të gjithë ndjekësit e saj për mbështetjen e vazhdueshme që i japin asaj. Duket se turneu i saj muzikor në Britani po rezulton shumë i suksesshëm, pasi Dua Lipa ka treguar se për koncertin e saj në Londër, biletat kanë mbaruar.
