“Sunny Hill Festival” është kryefjala e eventeve kulturore këto ditë, duke qenë se në skenën e festivalit janë ngjitur emrat më të njohur të muzikës botërore. Ditën e parë Miley Cyrus elektrizoi publikun me energjinë e saj, ndërsa mbrëmjen e djeshme reperi me origjinë shqiptare, Gashi dhuroi një performancë të jashtëzakonshme. Përveçse këndoi këngët e tij më të njohura, Gashi kërceu edhe vallen e Shotës me Dua Lipën përpara gjithë publikut. Kjo gjë ka rrëmbyer edhe vëmendjen e mediave serbe,të cilat ndryshe nga ç’pritej kanë shkruar me pozitivitet për atmosferën e krijuar.
https://www.instagram.com/p/B0vaPKbhPJ0/
Njëra prej tyre “Telegraf.rs” ka shkrua se mbrëmjen e djeshme Dua ishte ylli i mbrëmjes dhe se ajo kërceu e mbështjellë me flamurin shqiptar. Në artikullin e shkruar nga media serbe thuhet: “Ajo nuk e fshehu lumturinë që ishte e pranishme atje. Në fillim Dua bëri me duar shqiponjën, që simbolizon Shqipërinë e madhe, gjë që lumturoi fansat e saj prishtinas. Më pas me një flamur shqiptar ajo kërceu vallen e Shotës, një kërcim shumë i njohur në Shqipëri e Kosovë”. Ata kanë publikuar edhe videon e Duas duke kërcyer bashkë me Gashin, si dhe kanë komentuar performancën e Miley Cyrus. Ndërsa në rrjete sociale komentuesit nga Serbia kanë qenë të ndarë në dy pjesë, disa prej tyre që i kanë mbështetur veprimet e Dua Lipës dhe të tjerë që shprehen se Kosova është Serbi. Mbrëmjen e sotme do të mbahet nata e tretë e “Sunny Hill Festival” dhe pritet të shohim nëse Dua do të ngjitet në skenë për të performuar, duke qenë se ajo e la në pikëpyetje këtë çështje. /revistawho.com
