Dua Lipa kërkon 200.000 € për të ardhur në Kosovë? Ja si qëndron e vërteta

Me rastin e festës së 10-vjetorit të Pavarësisë së Kosovës u përfol se Rita Ora, e cila ka konfirmuar praninë e saj, dhe Dua Lipa do të performonin në koncertin që do të mbahet për këtë rast. Ndërkohë burime për “Gazetaexpress” treguan se Dua do të vinte vetëm nëse do të paguhej. Por këto hamendësime janë hedhur poshtë nga të afërm të këngëtares të cilët treguan po për këtë media se Lipa nuk mund të vijë në Kosovë pasi ka angazhime të tjera, të cilat i ka vendosur më parë për këto data, madje nuk ka patur as një ftesë zyrtare. “Asnjëherë nuk kemi biseduar për para apo gjera të tjera. Ne kemi kërkuar nga Qeveria që të na dërgojë një ftesë zyrtare, dhe më pas ajo të shqyrtohet. Por Dua e ka të pamundur të jetë në Kosovë në atë kohë, për shkak të axhendës së saj të fiksuar muaj e muaj më parë” -kanë thënë të afërm të këngëtares.