Tre javë pas ndarjes së saj nga Isaac Carew, Dua Lipa u përfol për një romancë të re. Në tabloidet britanike dhe amerikane shkruhej se këngëtarja me origjinë shqiptare kishte nisur një lidhje tjetër me vëllain e motrave Hadid, Anwar. Ata të dy kanë qëndruar të heshtur në lidhje me këtë çështje, por fotot e publikuara së fundmi në media flasin shumë. Ditën e djeshme ata të dy kanë qenë të pranishëm në “Barclaycard British Summer Time Hyde Park” në Londër dhe janë parë shumë të afërt me njëri-tjetrin. Anwar shfaqej duke përqafuar Duan, ndërsa këngëtarja dukej shumë e lumtur në krahët e tij.
Më pas të dy ata janë parë duke folur dhe duke mbajtur duart e njëri-tjetrit.
Të dy ishin veshur shumë ‘trendy’ dhe dukeshin mjaft mirë së bashku. Megjithatë ende nuk mund të flitet për një romancë mes tyre, duke qenë se as Dua dhe as Anwar nuk kanë preferuar të flasin për këtë gjë. Dua Lipa në muajin qershor i dha fund lidhjes së saj me Isaac dhe prandaj për të duhet të jetë e vështirë të flasë publikisht për një lidhje të re. /revistawho.com
