Që prej nëntorit të vitit të kaluar, Dua Lipa ka nisur turneun e saj ndërkombëtar “Radical Optimism”, duke performuar për fansat në vende të ndryshme të botës.
Me dhjetëra koncerte dhe mijëra të pranishëm, këngët e saj janë dëgjuar gjerësisht që nga nisja e këtij turneu.
Por ajo që ka tërhequr më së shumti vëmendje ka qenë fakti që përveç interpretimit “live”, këngëtarja ka surprizuar fansat me njohuritë e saj në disa gjuhë të huaja.
Gjatë ndalesës në Francë, ajo jo vetëm interpretoi hitet e saj, por këndoi edhe këngën e njohur franceze “Dernière Danse”, e cila konsiderohet një hit i pavdekshëm.
Në Spanjë, ajo befasoi me versionin e saj të “Me gustas tu”, ndërsa në Gjermani interpretoi këngën ikonike “99 Luftballons”.
Kjo aftësi për të komunikuar në gjuhën e vendit ku performon i ka bërë fansat ta quajnë me humor “Dua Lingo”.
