Dua Lipa dhe aktori britanik Callum Turner duket se po përgatiten të hedhin një hap të rëndësishëm në lidhjen e tyre, duke planifikuar martesën gjatë kësaj vere.
Sipas mediave britanike, çifti po organizon një ceremoni të vogël dhe intime, larg vëmendjes së madhe publike. Edhe pse data është vendosur, ata kanë zgjedhur ta mbajnë gjithçka sa më private, me një listë të kufizuar të ftuarish.
Burime pranë tyre bëjnë të ditur se disa nga miqtë e njohur mund të mos jenë pjesë e ceremonisë për shkak të natyrës së saj të mbyllur. Në rrethin e miqve të këngëtares përfshihen emra si Elton John, Olivia Dean, Mark Ronson, Donatella Versace dhe Charli XCX, por jo të gjithë pritet të jenë të pranishëm.
Sa i përket vendndodhjes, çifti ka shqyrtuar disa alternativa, përfshirë Italia dhe Mbretëria e Bashkuar, me më shumë gjasa që ceremonia të zhvillohet në Itali.
Dua Lipa dhe Callum Turner e bënë publike lidhjen e tyre në fillim të vitit 2024, ndërsa fejesa u konfirmua më vonë në një intervistë për revistën British Vogue. Marrëdhënia e tyre nisi pasi u njohën në festën e ditëlindjes së një miku të përbashkët dhe tani duket se po shkon drejt një kapitulli të ri.
