Fati ka qenë gjithmonë me të, por siç duket javët e fundit po e shoqëron në çdo cep të botës. Bëhet fjalë për këngëtaren me origjinë shqiptare, Dua Lipa, e cila mbrëmjen e djeshme ka fituar çmimin e pestë vetëm për këtë muaj. ‘Bambi Awards’ është një nga spektaklet më të rëndësishëm mediatik në Gjermani për ndarjen e çmimeve dhe Dua ka rrëmbyer një prej tyre.
Këngëtarja ka fituar çmimin për ‘muzikën më të mirë internacionale’. Pasi u ngjit në skenë, Dua ka performuar përpara publikut këngët e saj më të njohura, ‘New Rules’, ‘Be the one’ dhe ‘IDGAF’. Vetëm një javë më parë, Dua fitoi çmimin ‘Best Pop’ në ‘MTV EMA” dhe “Artistja më e mirë”, “Albumi më i mirë” dhe “Kënga më e mirë” në ‘Los 40 Music Awards’. /revistawho.com
