Përpara pak kohësh këngëtarja me origjinë shqiptare, Dua Lipa njoftoi të gjithë fansat e saj se do të shfaqej përkrah Bruno Mars në një turne muzikor botëror. Por diçka shumë e rëndësishme e ka shtyrë Duan të anulojë një pjesë të shfaqjeve. Këtë gjë ajo e ka bërë të ditur me anë të një postimi në ‘Instagram’. “Më vjen shumë keq që më duhet të anulojë disa nga shfaqjet e mia ndihmëse me Bruno Mars. Kam performuar me një dhimbje të tmerrshme për shkak të dhëmballës së pjekurisë dhe u këshillova nga dentisti im dhe kirurgu oral se duhej ta hiqja menjëherë. E kam shijuar këtë turne shumë dhe jam e mërzitur që jeta mori këtë rrugë, por shpresoj të shërohem sa më shpejt dhe të kthehem sa më shpejt të mundem. Faleminderit për mirëkuptimin tuaj” ka shkruar Dua.
https://www.instagram.com/p/BgSkJL2lHOV/?hl=en&taken-by=dualipa
Kohët e fundit dua është cilësuar si një nga këngëtaret më të suksesshme në Britani dhe jo vetëm. /revistawho.com
