Dua Lipa në festivalin amerikan përkrah Lana Del Rey

Kosovarja e cila më zëri e saj po pushton tregun muzikor europian, po i tejkalon kufijtë e suksesit! Dua Lipa në faqen e saj zyrtare në llogarinë  e “Instagramit” ka publikuar një fotografi në formë të posterit të njërit prej festivaleve më të mëdha të muzikës në SHBA, “Lollapalooza”, duke bërë të ditur se edhe ajo vetë do të jetë pjesëmarrëse në këtë festival prestigjioz amerikan. Lipa në të njëjtën skenë do të jetë me bendet e njohura si Red Hot Chili Peppers e Radiohead  si dhe këngëtaren, Lana Del Rey, etj. “Po vij në ‘Lollapalooza’ në Chicago! Ejani, më gjeni dhe të festojmë”, ka shkruar Lipa në “Instagram”, ndërsa këngëtarja shqiptare para publikut amerikan do të paraqitet më 30 korrik, kur në program është edhe grupi i njohur “Red Hot Chili Peppers”.