Përpara pak ditësh në të gjitha mediat qarkulloi lajmi se Dua Lipa do të këndojë në finalen e ‘Uefa Champions League’. Më pas vetë këngëtarja dhe ‘Uefa’ e pranuan këtë gjë, duke shënuar kështu një sukses tjetër në karrierën e Duas. Në 26 maj në fushën e ‘NSC Olimpiyskiy Stadium’ në Kiev, do të mbahet finalja mes Real Madridit dhe Liverpool. Duke qenë se kjo ditë po afron, Dua Lipa ka nisur përgatitjet. Ajo ka publikuar në ‘Instagram’ disa video, në të cilat shihet në stadium dhe mjaft e entuziasmuar.
Në një intervistë të pak ditëve më parë ajo ka thënë se kjo është një mundësi që i ofrohet vetëm një herë në jetë dhe mezi pret që të dalë përpara të gjithë fansave dhe të jetë pjesë e një eventi kaq të rëndësishëm për futbollin. Finalja e ‘Uefa Champions League’ do të transmetohet në 220 vende në mbarë bootën dhe noramlisht kjo do të thotë më shumë arritje dhe më shumë ndjekës për këngëtaren me origjinë shqiptare. /revistawho.com
