Dua Lipa ka shkëlqyer në festivalin më të madh britanik, Glastonbury Festival. Këngëtarja mbajti një performancë mahnitëse, energjike me shfaqje fishekzjarrësh, me pesë veshje të ndryshme para 100 mijë fansave.
Mirëpo The Sun raporton se përpara festivalit, gjatë xhirimeve Dua është përballur me një moment të frikshëm.
Ditët e fundit Dua Lipa ka qenë e mbyllur në një hapësirë provash në Birmingham, duke punuar me ekipin e saj të kërcimtarëve. Por siç raportohet një person i rrezikshëm ka shkaktuar telashe. Ai ka shkuar në vendin ku ndodhej Dua Lipa dhe u përpoq të shëtiste në hapësirën e provave gjatë xhirimeve. Sigurimi ndërhyri duke i kërkuar të largohej.
