Dua Lipa shkëlqen në performancën në BBC Radio 1, por zbulon një sekret (VIDEO)

Dua Lipa ka qenë e ftuar dje BBC Radio 1 Live Lounge ku dhe ka përformuar në mënyrë të shkëlqyer këngë e saj të fundit “Blow Your Mind”. Pas pushimeve me të dashurin në Meksikë, këngëtarja është kthyer në Evropë për të bërë gati albumin debutues. E pyetur nga drejtuesja sesi ndihet tani që ka pothuajse gati punën e saj të parë, ajo ka thënë se albumin e ndjen si të ishtë fëmija i saj i parë. “Kam qëndruar për shumë ditë deri në të natës zgjuar dhe jam përpjekur të përfundoja materialet duke u lidhur me producentin tim nëpërmjet Skype”- është shprehur ajo. Albumi pritet të publikohet në Shkurt. Dua gjatë intervistës ka zbuluar edhe një sekret të vogël lidhur me faktin se cilën këngë do të dëshirontë të kishtë kënduar ajo. Pa u menduar shumë 21 vjeçarja ka thënë për “Get The Party Started” të P!nk, por edhe ndonjë nga Nelly Furtado. Dua Lipa ka thënë se i ati i saj ka qenë muzikant dhe për këtë arsye ajo është rritur duke dëgjuar muzikë të mirë të kohës.