Dua Lipa ishte një ndër emrat që spikati sërish në mbrëmjen e çmimeve ‘Brits Awards’, megjithatë vëmendjen totale e mori babai i saj.
Me një ngjashmëri të madhe me njëri-tjetrin, Dukagjin Lipa u cilësua si “babai më i bukur në industrinë e muzikës”, nga prezantuesi i shfaqjes, Jack Whitehall.
Jack u afrua në tavolinën ku qëndronte Dua me familjen e saj dhe nuk hezitoi të vinte në dukje bukurinë e të atit të Lipës.
“Më pëlqen që ke sjellë dhe familjen me vete, sidomos babanë. Është shumë i paraqitshëm. A i ndërrojmë bashkë baballarët? I imi nuk është kaq i mirë”, shtoi Whitehall duke bashkëbiseduar me Duan.
“As që mos të shkojë ndër mend”, ishte përgjigja e këngëtares me origjinë shqiptare, e cila pritej në fakt.
Kujtojmë se paraqitja e babait të Duas është vënë në dukje dhe më parë në evente ku ai ka shoqëruar vajzën e tij./revistawho.com
