Dua Lipa është një nga këngëtaret më të suksesshme shqiptare me famë ndërkombëtare. Ajo ka arritur të fitojë disa trofe të rëndësishëm në ‘Grammy Award’ dhe ‘Brits Award’, duke i mahnitur të gjithë me performancat dhe zërin e saj.
Së fundmi ‘The sun’ i ka kushtuar një hapësirë të gjerë këngëtares për historinë e prejardhjes së saj.
Ata shkruan se familja Lipa është dashur të braktisë Kosovën në 1992 për shkak të presionit dhe terrorit që kishte nga pushteti serb atje.
Vetë Dua ka deklaruar se familja dhe populli i saj janë dëbuar me dhunë nga Kosova nga regjimi serb. “Serbët na kanë dëbuar nga Kosova. Kemi qenë viktima të terrorit të tmerrshëm”, ka deklaruar këngëtarja shqiptare në këtë dokumentar.
Ndër të tjera, ajo ka thënë: “Tani jam krenare me emrin tim, por kur kam qenë më e re, e tëra që dëshiroja, ishte të quhesha Hana, Sara, Ella. Çfarëdo emri, vetëm të ishte normal. Sepse emrin Dua është dashur ta sqaroj vazhdimisht se çfarë nënkupton, që njerëzve t’u tregoja se isha nga Kosova”.
Kujtojmë se pas ndryshimeve themelore që familja e Duas mori, jeta e këngëtares ndryshoi totalisht dhe duke punuar gradualisht ajo ka arritur që sot të jetë një ndër emrat kryesorë në tregun e muzikës ndërkombëtare./revistawho.com
