Dua Lipa ditët e fundit nuk ka qenë aktive në ‘Instagram’ si zakonisht, madje u zhduk fare. Arsyeja doli sot, pasi këngëtarja publikoi foto me të dashurin e saj Isaac Carew. Me anë të dy fotove të shkrepura ditët e fundit, ajo zbuloi se kishte udhëtuar me dashurinë e saj drejt Indisë për 2 javë.
“Kalova 2 javë në Indi me dashurinë time. Shkuam në Rathambore, Jaipur, Jodhpur, Kerala dhe Goa duke u shkëputur pak nga përditshmëria dhe duke u magjepsur pas kulturës, ushqimit dhe traditave. Një udhëtim që kemi dashur ta bëjmë prej kohësh dhe jam shumë e lumtur që e bëmë. Seancat e jogës në 5 të mëngjesit më kanë përgatitur për t’u rikthyer në punë sërish. Jam treguar e fortë dhe kam arritur të kap shumicën e fotove me një aparat fotografik për të qëndruar larg telefonit. Tani jam duke i rregulluar, kështu që tregoni durim”,-shkruan Dua.
https://www.instagram.com/p/BpWj3AelqCo/?taken-by=dualipa
Siç edhe ajo ka shpjeguar shumë shpejt do të publikohen copëza të tjera nga eksperienca e çiftit në Indi. Na mbetet vetëm të presim./revistawho.com
