Familja Lipa ka një arsye më shumë për të festuar sot, pasi Rina Lipa, motra më e vogël e superyllit botëror Dua Lipa, mbush 24 vjeç. Rina Lipa është tashmë një emër i konsoliduar në botën e modelingut dhe artit skenik. Dhe siç pritej, urimi i Duas nuk mungoi, këtë herë me një ndjeshmëri të veçantë dhe një përzierje gjuhësh që e bën edhe më të veçantë.
Përmes një postimi në Instagram, këngëtarja ndau me ndjekësit e saj një mesazh plot dashuri për ditëlindjen e motrës. Ajo e nisi me një shprehje tipike shqiptare, duke theksuar lidhjen e saj me origjinën:
“Rinush, 24 n’kajmak.” – janë fjalët me të cilat nis urimi i Duas.
“Urime ditëlindjen mikesha ime më e mirë, motra ime e bukur. Sinqerisht nuk e di si jam me kaq fat të të kem në jetë. Kudo që shkon e ndriçon vendin dhe të gjithë ata që janë aty. Je e gjallë, me humor, e mençur, briliante, e sjellshme, e ëmbël, dhe plot e përplot me jetë, e vogla ime! Mezi pres të festojmë sapo të kthehem në shtëpi,” shtoi Dua në anglisht.
Këngëtarja e përfundoi urimin sërish në shqip, me një fjali plot ndjenjë: “Të dua shumë shpirti jem!”
