Ish-banorja e “Big Brother VIP Albania,” Sara Gjordeni, ka qenë e ftuar përmes një lidhjeje telefonike në emisionin “Ndryshe” me Salsano Rrapin dhe Elona Duron, ku ka ndarë lajmin e papritur për planet e saj të ardhshme.
Sara dhe partneri i saj, artisti Bardhi Idrizi, u bënë prindër për herë të parë më 5 dhjetor. Në një postim në Instagram, ajo ndau emocionet e para duke publikuar një foto të këngëtarit që mban vogëlushen e tyre, Nea, në krahë.
Gjatë intervistës ekskluzive, Sara ndau detaje rreth eksperiencës së saj si nënë e re, por gjithashtu foli për projektet e saj të reja.
“Është diçka konkrete. Hapësira dhe ideja më është lënë mua. Kështu që e vetmja kohë që do vazhdoj të qëndroj larg është koha që duhet marrë për të menduar një program, i cili më përshtatet më tepër dhe për të mos bërë nga këto rubrikat e shkurtra 15-20 minuta që mendoj se nuk më përshtaten. Dua më shumë se aq…” – deklaroi ajo.
Sara ka lënë të kuptohet se rikthimi i saj në ekran është i sigurt dhe do të vijë së shpejti sapo ajo të gjejë projektin që e përmbush më së miri. Ndërkohë, ajo po shijon periudhën e re si nënë dhe po përgatitet për të ardhmen me kujdes dhe kreativitet.
