Reperi i njohur me origjinë shqiptare, i cili është duke vazhduar karrierën në Shtetet e Bashkuara të Amerikës, Gashi, po kalon një nga periudhat më të suksesshme të tij për shkak të projekteve më të fundit që ai ka sjellë në muzikë. Ai është tepër aktiv në rrjetet sociale dhe nuk ngurron asnjëherë të publikojë deklarata jo pak thumbuese lidhur me këngët e kolegëve të tij ose jetës së tij private. Ato kanë tërhequr vëmendjen e të gjithë ndjekësve për shkak të sinqeritetit dhe dozës së humorit që 29-vjeçari përdor shpeshherë.
Së fundmi reperi ka shkruar në rrjetet sociale se dëshiron të ketë një të dashur, e cila duhet të pranojë jetën e tij prej beqari. Pra Gashi nuk do të ketë angazhime dhe dëshiron të shijojë jetën si i pavarur. Nuk dihet nëse reperi do arrijë ta gjejë atë çfarë po kërkon, por me siguri do ta zbulojë këtë fakt sërish në llogarinë e tij. Kujtojmë se 2 javë më parë ai publikoi këngën me titull ‘Roses’ e cila numëron deri më tani 600 mijë klikime në kanalin e ‘Youtube’./revistawho.com
