Fansat janë në alarm: a është Rihanna në pritje të ëmbël për herë të tretë? Ylli 37-vjeçar, tashmë nënë e dy djemve – RZA, dy vjeç, dhe Riot Rose, një vjeç – që i ka me reperin A$AP Rocky, 36 vjeç, po përflitet gjerësisht se mund të jetë duke pritur një tjetër fëmijë.
Spekulimet nisën pas një paraqitjeje të fundit të Rihannës në Paris, ku ajo mori pjesë në një event të Fenty. Veshur me një fustan të madh të artë që i mbulonte plotësisht barkun, këngëtarja nga Barbados ngjalli menjëherë dyshime për një shtatzëni të mundshme
Ajo është parë edhe gjatë një daljeje në një supermarket në LA, e veshur me një pulovër të madhe gri, si dhe gjatë shopping-ut në Santa Monica, ku mbante rroba të gjëra.
Nëse kjo rezulton e vërtetë, do të thotë që Rihanna do të bëhej nënë për herë të tretë brenda vetëm tre vitesh. Lajmet përputhen me një intervistë të fundit që ajo ka dhënë për Entertainment Tonight, ku ka shprehur dëshirën për të pasur një vajzë:
“Dua të kem një vajzë. Nuk do të dija çfarë të bëja sepse deri tani njoh vetëm djem. Do të jetë një aventurë e re!”, ka thënë ajo.
Për momentin, Rihanna nuk ka bërë asnjë koment zyrtar mbi thashethemet. Por një gjë është e sigurt – fansat mezi po presin një konfirmim nga vetë ajo.Në pritje të ndonjë njoftimi, sytë janë të gjithë nga Rihanna!
