Dua Lipa ka lindur në Londër, por megjithatë familja e saj ka ditur të ruajë gjithmonë traditat shqiptare. Pavarësisht se është rritur në një vend të huaj, Dua nuk e ka problem të tregojë gjithmonë me krenari origjinën e saj. Së fundmi ajo ka zbuluar edhe njëherë për të gjithë se ka folur shqip që në moshë shumë të vogël. Këngëtarja ka publikuar në ‘Instagram’ një video të rrallë nga fëmijëria, në të cilën dëgjohet duke folur për motrën e saj më të vogël.
“Duke folur shqip dhe duke bërë spektakël me bebin e vogël Rina Lipa”, – ka shkruar Dua dhe ka treguar se sot i mungon shumë familja. Gjithashtu ajo ka “sfiduar” fansat e saj të huaj të gjejnë se çfarë është duke thënë në video. Me siguri të gjithë duhet ta kenë shumë të vështirë për ta kuptuar, duke ditur se shqipja është një gjuhë e veçantë./revistawho.com
https://www.instagram.com/p/BsnsjJVBXTL/?utm_source=ig_share_sheet&igshid=fzltknzethtx
