Çdo të shtunë moderatorja e njohur Arbana Osmani mbërthen para ekranit publikun me historitë e ndryshme. Emisioni “Dua të të bëj të lumtur” është kthyer një ndër emisionet më të dashura për publikun shqiptar.
Në çdo puntatë prezantohemi me histori të ndryshme me të cilat herë qajmë dhe herë qeshim. Të shtunën e kaluar, Arbana ka thyer një rekord shikueshmërie me ngjarjet e treguara në “Dua të të bëj të lumtur”, duke marrë 1.7 milionë klikime.
Në këtë puntatë u trasmetuan tre histori mjaft prekëse dhe në fund qershia mbi tortë ishte padyshim mamaja e këngëtares Nora Istrefi e cila këndoi për herë të parë që kur ka vdekur babai i këngëtares.
Të gjitha këto histori kaq emocionuese, ku pati shumë lot por edhe shumë mesazhe të bukura për jetën, bënë që “Dua të të bëj të lumtur” të thyente rekord shikueshmërie.
