Shoqëria amerikane Hyperloop One dhe Emiratet e Bashkuara Arabe kanë firmosur një marrëveshje e cila pritet të lidhë qytetin e Golfit dhe Abu Dabin për vetëm 12 minuta, nëpërmjet një mjeti transporti super të shpejtë që do të kalojë brenda një tubi të mbyllur me panelë diellor. Emiratet e Bashkuara Arabe e shikojnë të ardhmen e transportit ndryshe me këtë sistem inovativ transporti. Kështu ata janë gati të testojnë trenin që do të jetë më i shpejtë se një avion. Kur projekti të marë fund, kjo do të jetë një lehtësim për banorët e sidomos për ata që punojnë në qytetet respektive. Aktualisht distanca midis qyteteve është 150 km që përkthehen në 1 orë e 50 minuta rrugë me makinë. “Hyperloop” është një projekt i lançuar në vitin 2013 dhe mjeti pritet të ecë me një shpejtësi prej 1000 km në orë. Një provë e parë e këtij sistemi u realizua në Nevada majin e kaluar, ndërkohë që linja e parë e këtij lloj transporti pritet të hidhet jo para vitit 2020.
Mësoni më shumë duke klikuar videon
