Drini Zeqo ka rrëfyer arsyen pse u largua në mënyrë të menjëhershme nga shtëpia e “BBV3”, dhe ashtu siç është aluduar apo jo, ka qenë një problem shëndetësor i motrës së tij. Fjalët e tij janë dhe një mesazh i qartë për shoqërinë tonë.
“Kam shumë vite që jetoj në një familje, me time motër. Ajo është dashuria ime më e madhe në jetë. Ndonjëherë nuk mjafton vetëm të duash, duhet të jepet në të gjitha dimensionet e saj. Ne dashurojmë me gjithë qenien tonë duke qenë pranë fizikisht. Dhe mendova që duke qenë pranë saj fizikisht, ajo vuan prej vitesh. Sapo mora vesh se ka problem, vendosa ta shkëpus menjëherë garën. Ajo vuan nga një problem i shëndetit mendor. Nuk është se nuk flitet në tv, pak stigmatizohet, pak fshihet, pak anashkalohet. Më shumë se ata që e vuajnë problemin e shëndetit mendor, kjo kauzë duhet të jetë për ata që rrinë pranë atyre që kanë probleme të shëndetit mendor. Lufta e tyre është e jashtëzakonshme. Atë ditë që më njoftuan mendoja “Çfarë na bën ne më njerëzorë”? Çfarë na ndryshon nga parketi, ledi? Na ndryshon aftësia për të bërë të tjerët të lumtur. Është me rëndësi ta kërkojmë lumturinë”, tha Drini.
