Pak javë më parë u mbajt për herë të parë në Tiranë “Sunny Hill Festival”, një event muzikor që zgjati 3 ditë dhe solli në Shqipëri një sërë artistësh me famë ndërkombëtare. Ajo që mungoi ishte Dua Lipa dhe sigurisht që mungesa e saj u komentua. Por në një intervistë për “Jo vetëm modë”, Dukagjin Lipa ka sqaruar se njerëzit kanë marrë informacion të gabuar që Dua do performonte edhe në Tiranë, pasi ajo tashmë i kishte ndarë datat e koncerteve.
“Dua ishte në Prishtinë, ka qenë ndoshta, mos të them informatë e gabuar, por ajo nuk mund të ishte këtu, datat e limituara, nuk mund të ishte në dy vende. Tirana është këtu, nuk po shkon askund, do ta bëjmë prapë. Po shpresojmë ta shohim shpejt”, tha Lipa.
