Sunny Hill do të mbahet nga data 25 deri më 28 korrik në Sunny Hill Park. I ati i Dua Lipës dhe themeluesi i Festivalit Dukagjin Lipa, ka treguar detajet e edicionit të këtij viti. Në emisionin ‘Radar’ në Radio Dukagjini, ai ka treguar se Dua Lipa do të jetë në Kosovë gjatë gjithë kohës së Festivalit.
I pyetur për armiqësinë e heshtur mes Duas dhe Rita Orës dhe nëse do jetë ndonjëherë Rita në Sunny Hill, Dukagjini tha se Rita ftohet çdo vit, por për shkak të angazhimeve të saj, nuk ka mundur të jetë pjesë deri tani.
“Artistët e mëdhenj si Dua, Rita Ora apo Bebe Rexha kanë jetën e parapërgatitur. Ne e ftojmë çdo vit Rita Orën, por në kohën kur mbahet i ka rastisur të mos ketë mundësi. Por, edhe ajo do të jetë mysafire patjetër”, -u shpreh ai.
