Spoti i publikuar pak ditë më parë ka zbuluar edhe emrat pjesëmarrës në koncertin e ‘RTSH’, të cilët do të sjellin projektet e tyre muzikore në datat 19, 20 dhe 22 dhjetor. Albërije Hadërgjonaj ka zgjedhur që më anë të një postimi në ‘Instagram’ të zbulojë titullin e këngës e cila është punuar nga Timo Flloko dhe Adi Hila.
“Ku ta gjej dikë ta dua”, titullohet projekti muzikor që këngëtarja e dashur për publikun do të prezantojë në javët në vazhdim, ndërsa nuk ka hezituar të falenderojë edhe bashkëpunëtorët e saj në postimin e fundit në rrjetet sociale.
“Mezi pres ta dëgjoni këngën e krijuar nga dy mjeshtrit më të suksesshëm në historinë e Shqiptarisë. Faleminderit Timo Flloko, Adi Hila. Faleminderit të gjithëve ndër vite për suportin dhe dashurinë. Ju dua, Albërija”, ka shkruar këngëtarja krah fotos së saj.
Menjëherë pas këtij momenti, fansat i kanë uruar shumë suksese artistes për pjesëmarrjen e saj në festivalin e përvitshëm të ‘RTSH-së’./revistawho.com
https://www.instagram.com/p/B50IZtuFSEE/
