Sezoni televiziv është drejt fundit dhe një pjesë e mirë e programeve tashmë kanë nisur të përgatiten për të mbyllur disa muaj punë plot suksese. Edhe spektakli i humorit ‘Duplex’, i cili pati sezonin e parë në Klan Tv është drejt fundit, por të ftuarit dhe të qeshurat janë po aq argëtuese sa në fillim. Këtë javë do të ketë shumë surpriza dhe ju sigurojmë që do mbani barkun me dorë nga të qeshurat.
Sipas burimeve për ‘RevistaWho.Com’, këtë të shtunë vajzave shumë simpatike që janë pjesë e trupës së aktorëve do i shtohet edhe Kejvina Kthjella. Velina bukuroshe që pak kohë më parë u largua nga ‘Xing me Ermalin’ do bëhet pjesë e skeçeve për t’ju bërë të gjithëve të argëtoheni.
Ndërsa i ftuari i dytë është Artan Hoxha, gazetari i njohur investigativ. Kjo do të jetë puntata e 15 e ‘Duplex’ dhe përveç kësaj do realizohen edhe 2 të tjera të cilat do mbyllin sezonin e suksesshëm. /revistawho.com
