‘Duplex’ do të shfaqet sërish këtë të shtunë në ekranin e ‘Klan Tv’ në orën 20:05. Spektakli i humorit mban të mbërthyer pas ekranit publikun me batutat pa skenar, të cilat vijnë natyrshëm nga aktorët. Si gjithmonë udhëzimet për skeçet jepen nga Turjan Hysko, ndërsa interpretimi bëhet nga kasti i trupës së mirënjohur.
Edhe këtë javë nuk do të mungojnë të ftuarit special, por ndryshe nga e shtuna e kaluar këtë të herë do të jetë vetëm një i ftuar. Burime për ‘RevistaWho.Com’ kanë zbuluar se këtë javë, krah aktorëve do të jetë edhe Artur Zheji, analisti dhe gazetari i njohur politik. Ndryshe nga ç’jemi mësuar ta shohim, figura e njohur e televizionit do të lërë pas për pak minuta seriozitetin që e karakterizon për t’ju bashkuar skeçeve argëtuese për publikun. / revistawho.com
