Spektakli i njohur i humorit ‘Apartamenti 2XL’ do të rinisë sërish transmetimin në shtator, por këtë herë në një televizion tjetër dhe me një emër të ri. E gjithë trupa e aktorëve do të zhvendoset në ‘TV Klan’ për të nisur sërish punën. Pasi lajmi u bë publik, të gjithë dashamirësit e këtij spektakli janë bërë kuriozë se në çfarë lloj formati do të ndërtohet dhe a do të jetë i njëjtë me ‘Apartamenti 2XL’. Pikërisht për këtë gjë ka pyetur një ndjekës Julian Dedën në ‘Instagram’. “Do të jetë ‘Duplex’ me apo pa skenar?”. – ka pyetur ai. “’Duplex’=’Apartamenti 2XL’. Formati i njëjtë”, – ka shkruar Juli. Tashmë e vetmja gjë që na ngelet është të presim vjeshtën dhe të shijojmë batuat e aktorëve. /revistawho.com
