Dy ditë më parë, Sidrit Bejleri tregoi se u bë baba sërish i një vajze dhe se partnerja e tij ishte mirë pas këtij momenti dhe gëzonte shëndet të plotë së bashku me të voglën. Bejleri nuk nguroi gjithashtu që ditën e djeshme të shprehte emocionet e para dhe lumturinë e përjetuar, gjatë programit ‘Shqiptarët për shqiptarët’.
“I takon nënës merita më e madhe për sakrificën që bën për lindjen dhe rritjen e fëmijës. Desh Zoti shkoi gjithçka mbarë, pavarësisht se ishte hera e katërt me ndërhyrje, nuk është diçka e thjeshtë. Nëna dhe vajza gëzojnë shëndet të plotë. Desh i madhi Zot na nderoi. Fëmijët janë në qiellin e shtatë. Kontakti i parë ishte një varje nofulle, sepse nuk e imagjinonin që do ishte aq i vogël bebi”,- u shpreh artisti i dashur për publikun.
I pyetur nga gazetarja, Ola Bruko se kujt i ngjan e vogla, Sidriti u shpreh: “Stafi tek spitali thanë se më ngjason mua, ndërsa shoqet e nuses thonë se i ngjan asaj. Megjithatë e rëndësishme është që vajza të jetë e shëndetshme”.
Kujtojmë se prej disa kohësh tashmë, Bejleri është një nga bashkëpunëtorët e programit ‘Shqiptarët për shqiptarët’, ku duke trajtuar raste të veçanta, i vijnë në ndihmë gjithë njerëzve me aftësi të kufizuara dhe në nevojë në vendin tonë./revistawho.com
